ਬਰੈਂਪਟਨ ਜਰਨੈਲ ਸਿੰਘ ਮਠਾੜੂ. :— ਬੀਤੇ ਦਿਨੀ ਰਾਮਗੜੀਆ ਸਿੱਖ ਫਾਉਂਡੇਸ਼ਨ ਆਫ ਆਨਟਾਰੀਓ ਬਰੈਂਪਟਨ( ਕੈਨੇਡਾ)ਦੇ ਰਾਮਗੜੀਆ ਭਵਨ ਵਿਖੇ ਪੂਰਨ ਬਰੱਹਮ ਗਿਆਨੀ ਭਾਈ ਲਾਲੋ ਜੀ ਦਾ ਜਨਮ ਦਿਹਾੜਾ ਬਹੁਤ ਹੀ ਸ਼ਰਧਾ , ਪਰੇਮ ਅਤੇ ਸਤਿਕਾਰ ਸਹਿਤ ਗੁਰਦੁਆਰਾ ਸਾਹਿਬ ਭਾਈ ਲਾਲੋ ਜੀ ਵਿਖੇ ਮਨਾਇਆ ਗਿਆ , ਜਿਸ ਵਿੱਚ ਬਹੁਤ ਹੀ ਭਰਵੀਂ ਹਾਜਰੀ ਨਾਲ ਪਰੀਵਾਰਾਂ ਨੇ ਅਪਣੇ ਬੱਚਿਆਂ ਸਮੇਤ ਹਾਜ਼ਰੀਆਂ ਲਵਾਈਆਂ। ਪਿਛਲੇ ਤਿੰਨ ਦਿਨਾਂ ਤੋਂ ਚੱਲ ਰਹੇ ਸਾਹਿਬ ਸ੍ਰੀ ਗਰੰਥ ਸਾਹਿਬ ਜੀ ਦੀ ਪਵਿੱਤਰ ਬਾਣੀ ਦੇ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਗਏ ਗਏ। ਉਪਰੰਤ ਗੁਰਦੁਆਰਾ ਸਾਹਿਬ ਦੇ ਹਜੂਰੀ ਰਾਗੀ ਭਾਈ ਜਸਪਾਲ ਸਿੰਘ ਤੇ ਸਾਥੀਆਂ ਨੇ ਗੁਰਬਾਣੀ ਦਾ ਬਹੁਤ ਹੀ ਰਸਭਿੰਨਾ ਕੀਰਤਨ ਕੀਤਾ ਅਤੇ ਮਹਾਨ ਕਿਰਤੀ ਸਿੱਖ ਭਾਈ ਲਾਲੋ ਜੀ ਦੇ ਸਾਦੇ ਜੀਵਨ ,ਰਹਿਣੀ ਸਹਿਣੀ , ਦਸਾਂ ਨਹੂੰਆਂ ਦੀ ਕਿਰਤ ਕਰਨੀ ਅਤੇ ਗੁਰੂ ਨਾਨਕ ਦੇਵ ਜੀ ਦਾ ਪਹਿਲੀ ਉਦਾਸੀ ਦੌਰਾਨ ਉਹਨਾਂ ਦੇ ਘਰ ਚਰਨ ਪਾਉਣੇ ਵਾਰੇ ਵਿਸਥਾਰ ਸਹਿਤ ਵਰਨਣ ਕੀਤਾ। ਦਿੱਲੀ ਤੋਂ ਆਏ ਬੀਬੀ ਮਨਜੀਤ ਕੌਰ ਨੇ ਸ਼ਬਦ ਗਾਇਨ ਕਰਕੇ ਅਪਣੀ ਹਾਜਰੀ ਲਗਵਾਈ । ਨਾਮਵਰ ਮਿਉਜਿਕ ਕੰਪਨੀ ਦੇ ਭਾਈ ਰਨਜੀਤ ਸਿੰਘ ਲਾਲ ਨੇ ਵੀ ਭਾਈ ਲਾਲੋ ਜੀ ਦੇ ਜੀਵਨ ਵਾਰੇ ਗਾ ਕੇ ਹਾਜਰੀ ਲਗਵਾਈ ਗਈ । ਰਾਮਗੜੀਆ ਸਿੱਖ ਸੁਸਾਇਟੀ ਰਿਵਾਲਡਾ (ਟੋਰੰਟੋ) ਤੋਂ ਵੀ ਉਹਨਾਂ ਦੀ ਤਰਫੋਂ ਕੇਹਰ ਸਿੰਘ ਮਠਾੜੂ ਅਤੇ ਅਜੀਤ ਸਿੰਘ ਵਿਰਦੀ ਵੀ ਅਪਣੇ ਪਰਿਵਾਰਾਂ ਸਮੇਤ ਪਹੁੰਚ ਕੇ ਸੰਗਤ ਨੂੰ ਅਤੇ ਪਰਬੰਧਕਾਂ ਨੂੰ ਮਹਾਨ ਕਿਰਤੀ ਸਿੱਖ ਭਾਈ ਲਾਲੋ ਜੀ ਦੇ ਜਨਮ ਦਿਨ ਦੀਆਂ ਵਧਾਈਆਂਵੀ ਦਿੱਤੀਆਂ ਅਤੇ ਕੇਹਰ ਸਿੰਘ ਮਠਾੜੂ ਜੀਨੇ ਅਪਣੀ ਕਵਿਤਾ ਰਾਹੀਂ ਭਾਈ ਲਾਲੋ ਜੀ ਦੇ ਜਨਮਦਿਨ ਸਬੰਧੀ ਕਵਿਤਾ ਸੁਣਾਉਂਦੇ ਹੋਏ ਕਿਰਤ ਤੇ ਸਾਦਗੀ ਵਾਰੇ ਚਾਨਣਾ ਪਾਇਆ ।ਕੁਲਵੰਤ ਕੌਰ ਗੈਦੂ ਨੇ ਵੀ ਭਾਈ ਲਾਲੋ ਜੀ ਦੇ ਜੀਵਨ ਵਾਰੇ ਅਪਣੀ ਕਵਿਤਾ ਸੁਣਾ ਕੇ ਹਾਜਰੀ ਲਗਵਾਈ ।ਇਸ ਉਪਰੰਤ ਭਾਰਤ ਤੋਂ ਵਿਸ਼ੇਸ ਤੌਰ ਤੇ ਪਹੁੰਚੇ ਕੌਮ ਦੇ ਪਤਵੰਤੇ ਵਿਅਕਤੀਆਂ ਪਰਮਜੀਤ ਸਿੰਘ ਬਠਿੰਡਾ , ਬਲਜੀਤ ਸਿੰਘ ਨਾਮਧਾਰੀ , ਮਨਜੀਤ ਕੌਰ ਦਿੱਲੀ , ਜਸਵਿੰਦਰ ਸਿੰਘ ਭੱਚੂ, ਜਸਵੀਰ ਸਿੰਘ ਸੈਂਭੀ, ਜਰਨੈਲ ਸਿੰਘ ਮਠਾੜੂ , ਹਰਦਿਆਲ ਸਿੰਘ ਝੀਤਾ, ਸਤਿਨਾਮ ਸਿੰਘ ਗੈਦੂ, ਇੰਦਰਜੀਤ ਸਿੰਘ ਗੈਦੂ, ਕੁਲਵੰਤ ਕੌਰ ਗੈਦੂ ਨੇ ਵੀ ਭਾਈ ਲਾਲੋ ਜੀ ਦੇ ਜੀਵਨ ਵਾਰੇ ਅਪਣੀ ਕਵਿਤਾ ਸੁਣਾ ਕੇ ਹਾਜਰੀ ਲਗਵਾਈ ।ਇਸ ਉਪਰੰਤ ਭਾਰਤ ਤੋਂ ਵਿਸ਼ੇਸ ਤੌਰ ਤੇ ਪਹੁੰਚੇ ਕੌਮ ਦੇ ਪਤਵੰਤੇ ਵਿਅਕਤੀਆਂ ਪਰਮਜੀਤ ਸਿੰਘ ਬਠਿੰਡਾ , ਬਲਜੀਤ ਸਿੰਘ ਨਾਮਧਾਰੀ , ਮਨਜੀਤ ਕੌਰ ਦਿੱਲੀ , ਜਸਵਿੰਦਰ ਸਿੰਘ ਭੱਚੂ, ਜਸਵੀਰ ਸਿੰਘ ਸੈਂਭੀ, ਜਰਨੈਲ ਸਿੰਘ ਮਠਾੜੂ , ਹਰਦਿਆਲ ਸਿੰਘ ਝੀਤਾ, ਸਤਿਨਾਮ ਸਿੰਘ ਗੈਦੂ, ਇੰਦਰਜੀਤ ਸਿੰਘ ਗੈਦੂ ,ਭੁਪਿੰਦਰ ਸਿੰਘ ਸੀਰਾ , ਸੁਖਰਾਜ ਸਿੰਘ ਕਲਸੀ, ਜਸਪ੍ਰੀਤ ਸਿੰਘ ਕਲਸੀ, ਮਹਿੰਦਰ ਸਿੰਘ ਕੁੰਦੀ, ਹਰਮੰਦਰ ਸਿੰਘ ਗੈਦੂ , ਗੁਰਪ੍ਰੀਤ ਸਿੰਘ, ਅਮਨਦੀਪ ਸਿੰਘ ਬੰਮਰਾਹ , ਧੂਰੀ ਤੋਂ ਆਈ ਅੰਤਰ ਰਾਸਟਰੀ ਵਿਦਿਆਰਥਣ ਸਿਮਰਦੀਪ ਕੌਰ ਧੀਮਾਨ ਦਾ ਆਰ ਐਸ ਐਫ ਓ ਦੀ ਮੈਨੇਜਮੈਂਟ ਵੱਲੋਂ ਇਸ ਮੌਕੇ ਰਾਮਗੜੀਆ ਭਵਨ ਵਿੱਚ ਪਧਾਰਣ ਤੇ ਉਹਨਾਂ ਨੂੰ ਜੀ ਆਇਆਂ ਨੂੰ ਕਹਿੰਦੇ ਹੋਏ ਸਨਮਾਨਚਿੰਨ ਅਤੇ ਸਿਰੋਪਾਓ ਦੇ ਕੇ ਸਨਮਨਿਤ ਕੀਤਾ ਗਿਆ। ਅਖੀਰ ਵਿੱਚ ਫਾਉਂਡੇਸ਼ਨ ਦੇ ਪਰਧਾਨ ਮਨਜੀਤ ਸਿੰਘ ਭੱਚੂ ਨੇ ਵੀ ਸੰਗਤ ਨੂੰ ਸੰਬੋਧਨ ਕਰਦੇ ਹੋਏ ਪਰਬੰਧਕਾਂ ਤੇ ਵਲੰਟੀਅਰਾਂ ਨੂੰ ਵਧੀਆ ਪਰਬੰਧ ਕਰਨ ਤੇ ਉਹਨਾਂ ਦਾ ਧੰਨਵਾਦ ਵੀ ਕੀਤਾ।ਰਾਮਗੜੀਆ ਪਿਕਨਿਕ ਵਿਚ ਹੋਈਆ ਖੇਡਾਂ ਵਿੱਚ ਪਹਿਲੇ , ਦੂਜੇ ਤੇ ਤੀਜੇ ਨੰਬਰ ਤੇ ਆਉਣ ਵਾਲੇ ਬੱਚਿਆਂ ਨੂੰ ਮੈਡਲ ਦੇਕੇ ਸਨਮਾਨਿਤ ਕੀਤਾ ਗਿਆ । ਸਟੇਜ ਦੀ ਕਾਰਵਾਈ ਜਨਰਲ ਸਕੱਤਰ ਹਰਦਿਆਲ ਸਿੰਘ ਝੀਤਾ ਵੱਲੋਂ ਬਾਖੂਬੀ ਨਿਭਾਈ ਗਈ । ਅੰਤ ਵਿੱਚ ਚੇਅਰਮੈਨ ਦਲਜੀਤ ਸਿੰਘ ਗੈਦੂ ਵੱਲੋਂ ਆਏ ਪਤਵੰਤੇ ਸੱਜਣਾਂ ਅਤੇਇਸ ਮੌਕੇ ਆਈ ਸੰਗਤ ਦਾ ਧੰਨਵਾਦ ਕਰਦੇ ਹੋਏ ਭਾਈ ਲਾਲੋ ਜੀ ਦੇ ਸਾਦੇ ਜੀਵਨ, ਸੱਚੀ ਸੁੱਚੀ ਕਿਰਤ ਕਮਾਈ ਵਾਰੇ ਵਿਸਥਾਰ ਨਾਲ ਵਰਨਣ ਕੀਤਾ ਅਤੇ ਆਉਣ ਵਾਲੇ ਪਰੋਗਰਾਮਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਉਹਨਾਂ ਵਿੱਚ ਸ਼ਾਮਲ ਹੋਣ ਲਈ ਅਪੀਲ ਕੀਤੀ ।
