ਸਿਡਨੀ, 16 ਮਈ
ਆਸਟਰੇਲੀਆ ਦੇ ਸਾਬਕਾ ਕ੍ਰਿਕਟਰ ਤੇ ਦੋ ਵਾਰ ਵਿਸ਼ਵ ਕੱਪ ਜਿੱਤਣ ਵਾਲੀ ਟੀਮ ਦੇ ਮੈਂਬਰ ਰਹੇ ਹਰਫਨਮੌਲਾ ਐਂਡਰਿਊ ਸਾਇਮੰਡਜ਼ ਦੀ ਕਾਰ ਹਾਦਸੇ ਵਿੱਚ ਮੌਤ ਹੋ ਗਈ। ਸਾਇਮੰਡਜ਼ 46 ਸਾਲਾਂ ਦੇ ਸਨ ਤੇ ਉਨ੍ਹਾਂ ਦੇ ਪਰਿਵਾਰ ਵਿੱਚ ਪਤਨੀ ਤੋਂ ਇਲਾਵਾ ਦੋ ਬੱਚੇ ਹਨ। ਆਸਟਰੇਲਿਆਈ ਕ੍ਰਿਕਟ ਜਗਤ ਲਈ ਪਿਛਲੇ ਤਿੰਨ ਮਹੀਨਿਆਂ ’ਚ ਇਹ ਤੀਜਾ ਵੱਡਾ ਝਟਕਾ ਹੈ। ਇਸ ਤੋਂ ਪਹਿਲਾਂ ਮਾਰਚ ਮਹੀਨੇ ਵਿੱਚ ਕੁਝ ਘੰਟਿਆਂ ਅੰਦਰ ਮਹਾਨ ਲੈੱਗ ਸਪਿੰਨਰ ਸ਼ੇਨ ਵਾਰਨ ਤੇ ਵਿਕਟ ਕੀਪਰ ਰੋਡ ਮਾਰਸ਼ ਦੀ ਜਾਨ ਜਾਂਦੀ ਰਹੀ ਸੀ।
