ਮੁੰਬਈ:ਫਿਲਮ ਨਿਰਦੇਸ਼ਕ ਆਨੰਦ ਐੱਲ ਰਾਏ ਨਾਲ ਕੰਮ ਕਰ ਰਹੀ ਅਦਾਕਾਰਾ ਸਾਰਾ ਅਲੀ ਖ਼ਾਨ ਦੀ ‘ਅਤਰੰਗੀ ਰੇ’ ਦਾ ਟਰੇਲਜ਼ ਰਿਲੀਜ਼ ਹੋਣ ਮਗਰੋਂ ਕਾਫ਼ੀ ਪ੍ਰਸ਼ੰਸਾ ਹੋ ਰਹੀ ਹੈ। ਅੱਜ ਇੱਥੇ ਨਿਰਦੇਸ਼ਕ ਨਾਲ ਕੰਮ ਕਰਨ ਦੇ ਤਜਰਬੇ ਬਾਰੇ ਗੱਲ ਕਰਦਿਆਂ ਸਾਰਾ ਨੇ ਕਿਹਾ, ‘‘ਕੋਈ ਵੀ ਅਦਾਕਾਰ ਆਨੰਦ ਜੀ ਨਾਲ ਕੰਮ ਕਰਨਾ ਚਾਹੇਗਾ, ਇਸ ਲਈ ਮੈਂ ਸ਼ੁਕਰਗੁਜ਼ਾਰ ਹਾਂ ਕਿ ਉਨ੍ਹਾਂ ਮੈਨੂੰ ਆਪਣੀ ਫਿਲਮ ਵਿੱਚ ਰਿੰਕੂ ਦੇ ਕਿਰਦਾਰ ਲਈ ਚੁਣਿਆ। ਹੁਣ ਮੈਂ ਇਸ ਫਿਲਮ ਦੇ ਰਿਲੀਜ਼ ਹੋਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੀ ਹਾਂ ਅਤੇ ਦਰਸ਼ਕਾਂ ਦਾ ਹੁੰਗਾਰਾ ਦੇਖਣਾ ਚਾਹੁੰਦੀ ਹਾਂ।’’ ਅਦਾਕਾਰਾ ਦੇ ਪਹਿਲੇ ਗਾਣੇ ‘ਚਕਾ ਚਕ’ ਨੇ ਫਿਲਮ ਪ੍ਰਤੀ ਉਤਸ਼ਾਹ ਨੂੰ ਹੋਰ ਵਧਾ ਦਿੱਤਾ ਹੈ। ਟਰੇਲਰ ਅਤੇ ਗਾਣੇ ਨੂੰ ਦਰਸ਼ਕਾਂ ਤੋਂ ਮਿਲੇ ਹੁੰਗਾਰੇ ਬਾਰੇ ਗੱਲ ਕਰਦਿਆਂ ਸਾਰਾ ਨੇ ਦੱਸਿਆ, ‘‘ਦਰਸ਼ਕਾਂ ਦਾ ਰਿੰਕੂ ਦੇ ਚਕਾਚਕ ਲਈ ਪਿਆਰ ਦੇਖ ਕੇ ਮਨ ਭਾਵੁਕ ਹੋ ਗਿਆ। ਟਰੇਲਰ ਅਤੇ ਮੇਰਾ ਪਹਿਲਾ ਸੋਲੋ ਗਾਣਾ ਰਿਲੀਜ਼ ਹੋ ਚੁੱਕਿਆ ਹੈ ਅਤੇ ਮੇਰੇ ਤੱਕ ਦਰਸ਼ਕਾਂ ਦਾ ਪਹੁੰਚ ਰਿਹਾ ਪਿਆਰ ਲਾਜਵਾਬ ਹੈ।’’
