ਚੰਡੀਗੜ੍ਹ, 14 ਦਸੰਬਰ 2020 :- ਅੱਜ ਇੱਥੋਂ ਜਾਰੀ ਕੀਤੇ ਇੱਕ ਪ੍ਰੈੱਸ ਬਿਆਨ ਵਿੱਚ ਭਾਰਤੀ ਕਿਸਾਨ ਯੂਨੀਅਨ ਦੇ ਪ੍ਰਧਾਨ ਬਲਬੀਰ ਸਿੰਘ ਰਾਜੇਵਾਲ ਨੇ ਕਿਹਾ ਕਿ ਮੋਦੀ ਦੇ ਜੀ ਨਿਊਜ ਵੱਲੋਂ ਉਨ•ਾਂ ਦੁਆਰਾ ਅੱਜ ਸਟੇਜ ਤੇ ਦਿੱਤੇ ਬਿਆਨ ਨੂੰ ਜਾਣਬੁੱਝ ਕੇ ਤੋੜ ਮਰੋੜ ਕੇ ਪੇਸ਼ ਕੀਤਾ ਗਿਆ ਜਦੋਂ ਕਿ ਉਨ•ਾਂ ਨੇ ਖੁਦ ਅੰਮ੍ਰਿਤ ਛਕਿਆ ਹੋਇਆ ਹੈ ਅਤੇ ਘਰੋਂ ਤੁਰਨ ਵੇਲੇ ਉਹ ਪੰਜ ਬਾਣੀਆਂ ਦਾ ਪਾਠ ਕਰਕੇ ਤੁਰਦੇ ਹਨ ਅਤੇ ਗੁਰਬਾਣੀ ਦਾ ਪੂਰਾ ਸਤਿਕਾਰ ਕਰਦੇ ਹਨ। ਖਾਲਸਾਈ ਝੰਡੇ ਸਬੰਧੀ ਉਨ•ਾਂ ਸਿਰਫ ਇਹ ਕਿਹਾ ਸੀ ਕਿ ਜਿੱਥੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪ੍ਰਕਾਸ਼ ਹੁੰਦਾ ਹੈ, ਉਥੇ ਹੀ ਖਾਲਸਾਈ ਝੰਡਾ ਲਹਿਰਾਇਆ ਜਾਂਦਾ ਹੈ। ਇਸ ਤਰ•ਾਂ ਲਹਿਰਾਉਣ ਨਾਲ ਉਸਦਾ ਸਤਿਕਾਰ ਘਟਦਾ ਹੈ। ਇਸ ਸਬੰਧੀ ਗੋਦੀ ਮੀਡੀਆ ਜਾਣਬੁੱਝ ਕੇ ਗਲਤ ਢੰਗ ਨਾਲ ਖਾਲਸਾਈ ਝੰਡੇ ਨੂੰ ਖਾਲਿਸਤਾਨੀ ਰੰਗਤ ਨਾਲ ਜੋੜ ਕੇ ਪੇਸ਼ ਕਰਕੇ ਇਸ ਕਿਸਾਨ ਮੋਰਚੇ ਨੂੰ ਸਾਬੋਤਾਜ ਕਰਨਾ ਚਾਹੁੰਦੇ ਹਨ ਤਾਂ ਜੋ ਇਹ ਅੰਦੋਲਨ ਤਾਰੋਪੀਡ ਕੀਤਾ ਜਾ ਸਕੇ। ਇੱਥੇ ਸਟੇਜ਼ ਤੋਂ ਸੰਤ ਮਹਾਂਪੁਰਸ਼ ਗੁਰਬਾਣੀ ਦੇ ਲੜ• ਲੱਗਣ ਅਤੇ ਸਹੀ ਸੇਧ ਲੈਣ ਆਦਿ ਸਿੱਖਿਆਵਾਂ ਤੋਂ ਉਹ ਖੁਦ ਸਹੀ ਸੇਧ ਲੈ ਕੇ ਅੱਗੇ ਤੁਰਦੇ ਹਨ। ਇਸ ਤੋਂ ਇਲਾਵਾ ਗੁਰੂ ਦੀਆਂ ਲਾਡਲੀਆਂ ਫੌਜਾਂ ਸਾਡੇ ਸਿੱਖੀ ਵਿਰਸੇ ਦਾ ਸਰਮਾਇਆ ਹਨ, ਉਨ•ਾਂ ਦਾ ਕਹਿਣ ਭਾਵ ਇਹ ਸੀ ਕਿ ਗੁਰੂ ਕੀ ਲਾਡਲੀਆਂ ਫੌਜਾਂ ਦੀ ਜੋ ਛਾਉਣੀ ਬੈਰੀਗੇਡਾਂ ਲਾਗੇ ਹੈ, ਉਸ ਨੂੰ ਗੋਦੀ ਮੀਡੀਆ ਗਲਤ ਰੰਗਤ ਦੇ ਕੇ ਪੇਸ਼ ਕਰ ਰਿਹਾ ਹੈ, ਮੈਂ ਸਿਰਫ ਗੁਰੂ ਕੀਆਂ ਲਾਡਲੀਆਂ ਫੌਜਾਂ ਨੂੰ ਆਪਣੀ ਛਾਉਣੀ ਪਿੱਛੇ ਲਾਉਣ ਸਬੰਧੀ ਬੇਨਤੀ ਕੀਤੀ ਸੀ। ਮੇਰੀ ਅਜਿਹੀ ਕੋਈ ਮਨਸਾ ਨਹੀਂ ਕਿ ਜਿਸ ਨਾਲ ਕਿਸੇ ਦੇ ਮਨ ਨੂੰ ਕੋਈ ਠੇਸ ਲੱਗੇ। ਉਨ•ਾਂ ਅੱਗੇ ਕਿਹਾ ਕਿ ਅਗਰ ਜੇਕਰ ਮੇਰੇ ਦੁਆਰਾ ਕਹੇ ਸ਼ਬਦਾਂ ਨਾਲ ਕਿਸੇ ਦੇ ਦਿਲ ਨੂੰ ਕੋਈ ਠੇਸ ਲੱਗੀ ਤਾਂ ਮੈਂ ਇਸਦੀ ਮੁਆਫੀ ਚਾਹੁੰਦਾ ਹਾਂ। ਇਸ ਵੇਲੇ ਸਾਡਾ ਸਭ ਦਾ ਮੁੱਖ ਨਿਸ਼ਾਨਾ ਕਿਸਾਨੀ ਸੰਘਰਸ਼ ਵਿੱਚ ਜਿੱਤ ਪ੍ਰਾਪਤ ਕਰਨਾ ਹੈ। ਮੋਦੀ ਸਰਕਾਰ ਅਤੇ ਉਨ•ਾਂ ਦੀ ਗੋਦੀ ਮੀਡੀਆ ਪੂਰਾ ਟਿੱਲ ਲਾ ਰਿਹਾ ਹੈ ਕਿ ਕਿਸਾਨਾਂ ਦੇ ਸੰਘਰਸ਼ ਨੂੰ ਕਰਜੋਰ ਕੀਤਾ ਜਾਵੇ ਅਤੇ ਆਪਸੀ ਮੱਤਭੇਦ ਵਧਾਏ ਜਾਣ।
