ਮੁੰਬਈ, 6 ਅਪਰੈਲ
ਭਾਰਤ ਵਿੱਚ ਵੱਧ ਫੈਲਣ ਵਾਲੀ ਕਰੋਨਾ ਦੀ ਨਵੀਂ ਕਿਸਮ ‘ਐਕਸਈ’ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਮਾਮਲਾ ਮੁੰਬਈ ਦਾ ਹੈ। ਬ੍ਰਿਹਨਮੁੰਬਈ ਮਿਉਂਸਿਪਲ ਕਾਰਪੋਰੇਸ਼ਨ (ਬੀਐੱਮਸੀ) ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਫਰਵਰੀ ਵਿੱਚ ਦੱਖਣੀ ਅਫਰੀਕਾ ਤੋਂ ਆਈ ਇੱਕ ਔਰਤ ਵਿੱਚ ਓਮੀਕਰੋਨ ਦਾ ਇਹ ਸਬ-ਵੈਰੀਏਂਟ ਮਿਲਿਆ ਹੈ। ਉਨ੍ਹਾਂ ਕਿਹਾ ਕਿ ਉਸ ਵਿੱਚ ਇਸ ਬਿਮਾਰੀ ਸਬੰਧੀ ਕੋਈ ਲੱਛਣ ਨਜ਼ਰ ਨਹੀਂ ਆਇਆ ਅਤੇ ਉਹ ਇਸ ਲਾਗ ਤੋਂ ਉਭਰ ਚੁੱਕੀ ਸੀ। ਬੀਐੱਮਸੀ ਮੁਤਾਬਕ, ਮੁੰਬਈ ਵਿੱਚ 230 ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ, ਜਿਨ੍ਹਾਂ ਵਿੱਚੋਂ 228 ਓਮੀਕਰੋਨ ਤੋਂ ਪੀੜਤ ਸਨ। ਇਨ੍ਹਾਂ ਵਿੱਚ ਇੱਕ ‘ਐੱਕਸਈ’ ਅਤੇ ਇੱਕ ਹੋਰ ਕਿਸਮ ‘ਕਾਪਾ’ ਤੋਂ ਪੀੜਤ ਸੀ।
