ਚੰਡੀਗੜ੍ਹ, 27 ਦਸੰਬਰ
ਚੰਡੀਗੜ੍ਹ ਨਗਰ ਨਿਗਮ ਚੋਣਾਂ ਲਈ 24 ਦਸੰਬ ਨੂੰ ਪਈਆਂ ਵੋਟਾਂ ਦੀ ਗਿਣਤੀ ਅੱਜ ਸਵੇਰੇ ਸ਼ੁਰੂ ਹੋ ਗਈ। ਇਸ ਦੌਰਾਨ ਸਵੇਰੇ 11 ਵਜੇ ਤੱਕ ਸਾਹਮਣੇ ਆਏ ਨਤੀਜਿਆਂ ਅਨੁਸਾਰ ਭਾਜਪਾ ਪਾਰਟੀ ਦੇ ਮੌਜੂਦਾ ਮੇਅਰ ਰਵੀਕਾਂਤ ਸ਼ਰਮਾ ਆਪਣੀ ਸੀਟ ਹਾਰ ਗਏ। ਉਨ੍ਹਾਂ ਨੂੰ ਆਮ ਆਦਮੀ ਪਾਰਟੀ ਦੇ ਦਮਨਪ੍ਰੀਤ ਸਿੰਘ ਨੇ ਹਰਾਇਆ। ਇਸੇ ਤਰ੍ਹਾਂ ਸੀਨੀਅਰ ਭਾਜਪਾ ਆਗੂ ਦੇਵੇਸ਼ ਮੋਦਗਿੱਲ ਨੂੰ ਵੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਨ੍ਹਾਂ ਚੋਣਾਂ ਵਿਚ ਨਗਰ ਨਿਗਮ ਦੇ ਕੁੱਲ 35 ਵਾਰਡਾਂ ਵਿੱਚੋਂ 14 ’ਚ ਆਮ ਆਦਮੀ ਪਾਰਟੀ, 12 ’ਚ ਭਾਜਪਾ, ਅੱਠ ’ਚ ਕਾਂਗਰਸ ਅਤੇ ਇਕ ਵਾਰਡ ਵਿਚ ਸ਼੍ਰੋਮਣੀ ਅਕਾਲੀ ਦਲ ਨੇ ਜਿੱਤ ਦਰਜ ਕੀਤੀ।
ਮਿਲੀ ਜਾਣਕਾਰੀ ਅਨੁਸਾਰ ਵਾਰਡ ਨੰਬਰ 17 ਤੋਂ ਭਾਜਪਾ ਦੇ ਮੌਜੂਦਾ ਮੇਅਰ ਰਵੀਕਾਂਤ ਸ਼ਰਮਾ ਨੂੰ ‘ਆਪ’ ਦੇ ਦਮਨਪ੍ਰੀਤ ਸਿੰਘ ਨੇ ਹਰਾਇਆ। ਰਵੀਕਾਂਤ ਸ਼ਰਮਾ ਨੂੰ 828 ਵੋਟਾਂ ਤੋਂ ਹਾਰ ਮਿਲੀ। ਉੱਧਰ, ਸਾਬਕਾ ਮੇਅਰ ਤੇ ਸੀਨੀਅਰ ਭਾਜਪਾ ਆਗੂ ਦੇਵੇਸ਼ ਮੋਦਗਿੱਲ ਵੀ ਆਪਣੀ ਸੀਟ ਹਾਰ ਗਏ ਹਨ। ਵਾਰਡ ਨੰਬਰ-23 ਤੋਂ ਆਮ ਆਦਮੀ ਪਾਰਟੀ ਦੇ ਜਸਬੀਰ ਸਿੰਘ ਨੇ 939 ਵੋਟਾਂ ਨਾਲ ਉਨ੍ਹਾਂ ਨੂੰ ਹਰਾਇਆ। ਇਸ ਤੋਂ ਇਲਾਵਾ ਵਾਰਡ ਨੰਬਰ-1 ਤੋਂ ‘ਆਪ’ ਦੀ ਜਸਵਿੰਦਰ ਕੌਰ 1009 ਵੋਟਾਂ, ਵਾਰਡ-2 ਤੋਂ ਭਾਜਪਾ ਦੇ ਮਹੇਸ਼ਇੰਦਰ ਸਿੱਧੂ 11, ਵਾਰਡ ਨੰਬਰ-3 ਤੋਂ ਭਾਜਪ ਦੇ ਦਲੀਪ ਸ਼ਰਮਾ 90, ਵਾਰਡ ਨੰਬਰ-4 ਤੋਂ ‘ਆਪ’ ਦੀ ਸੁਮਨ ਦੇਵੀ 12, ਵਾਰਡ ਨੰਬਰ-5 ਤੋਂ ਕਾਂਗਰਸ ਦੀ ਦਰਸ਼ਨਾ 2737, ਵਾਰਡ ਨੰਬਰ 6 ਤੋਂ ਭਾਜਪਾ ਦੀ ਸਰਬਜੀਤ ਕੌਰ 502, ਵਾਰਡ ਨੰਬਰ 7 ਤੋਂ ਭਾਜਪਾ ਦੇ ਮਨੋਜ ਕੁਮਾਰ 784, ਵਾਰਡ ਨੰਬਰ 8 ਤੋਂ ਭਾਜਪਾ ਦੇ ਹਰਜੀਤ ਸਿੰਘ 682, ਵਾਰਡ ਨੰਬਰ 9 ਤੋਂ ਭਾਜਪਾ ਦੀ ਬਿਮਲਾ ਦੂਬੇ 1795, ਵਾਰਡ ਨੰਬਰ 10 ਤੋਂ ਕਾਂਗਰਸ ਦੀ ਹਰਪ੍ਰੀਤ ਕੌਰ ਬਬਲਾ 3103, ਵਾਰਡ ਨੰਬਰ 11 ਤੋਂ ਭਾਜਪਾ ਦੇ ਅਨੁਜ ਗੁਪਤਾ 167, ਵਾਰਡ ਨੰਬਰ 12 ਤੋਂ ਭਾਜਪਾ ਦੇ ਸੌਰਭ ਜੋਸ਼ੀ 1017, ਵਾਰਡ ਨੰਬਰ 13 ਤੋਂ ਕਾਂਗਰਸ ਦੇ ਸਚਿਨ ਗਾਲਿਵ 285, ਵਾਰਡ ਨੰਬਰ-14 ਤੋਂ ਭਾਜਪਾ ਦੇ ਕੁਲਜੀਤ ਸਿੰਘ ਸੰਧੂ 255, ਵਾਰਡ ਨੰਬਰ-15 ਤੋਂ ‘ਆਪ’ ਦੇ ਰਾਮ ਚੰਦਰ ਯਾਦਵ 178, ਵਾਰਡ ਨੰਬਰ 16 ਤੋਂ ‘ਆਪ’ ਦੀ ਪੂਨਮ 983, ਵਾਰਡ ਨੰਬਰ-17 ਤੋਂ ‘ਆਪ’ ਦੇ ਦਮਨਪ੍ਰੀਤ ਸਿੰਘ 828, ਵਾਰਡ ਨੰਬਰ 18 ਤੋਂ ‘ਆਪ’ ਦੇ ਤਰੁਣਾ ਮਹਿਤਾ 1423, ਵਾਰਡ ਨੰਬਰ 19 ਤੋਂ ‘ਆਪ’ ਦੀ ਨੇਹਾ 804, ਵਾਰਡ ਨੰਬਰ 20 ਤੋਂ ਕਾਂਗਰਸ ਦੇ ਗੁਰਚਰਨਜੀਤ ਸਿੰਘ 269, ਵਾਰਡ ਨੰਬਰ 21 ਤੋਂ ‘ਆਪ’ ਦੇ ਜਸਬੀਰ ਸਿੰਘ 939, ਵਾਰਡ ਨੰਬਰ 22 ਤੋਂ ‘ਆਪ’ ਦੀ ਅੰਜੂ ਕਤਿਆਲ 180, ਵਾਰਡ ਨੰਬਰ 23 ਤੋਂ ‘ਆਪ’ ਦੀ ਪ੍ਰੇਮ ਲਤਾ 681, ਵਾਰਡ ਨੰਬਰ 24 ਤੋਂ ਕਾਂਗਰਸ ਦੇ ਜਸਬੀਰ ਸਿੰਘ 997, ਵਾਰਡ ਨੰਬਰ 25 ਤੋਂ ‘ਆਪ’ ਦੇ ਯੋਗੇਸ਼ ਢੀਂਗਰਾ 315, ਵਾਰਡ ਨੰਬਰ-26 ਤੋਂ ‘ਆਪ’ ਦੇ ਕੁਲਦੀਪ ਕੁਮਾਰ 1440, ਵਾਰਡ ਨੰਬਰ 27 ਤੋਂ ਕਾਂਗਰਸ ਦੀ ਗੁਰਬਕਸ਼ ਰਾਵਤ 2862, ਵਾਰਡ ਨੰਬਰ 28 ਤੋਂ ਕਾਂਗਰਸ ਦੀ ਨਿਰਮਲਾ ਦੇਵੀ 2568, ਵਾਰਡ ਨੰਬਰ 29 ਤੋਂ ‘ਆਪ’ ਦੇ ਮਨੌਰ 2738, ਵਾਰਡ ਨੰਬਰ 30 ਤੋਂ ਅਕਾਲੀ ਦਲ ਦੇ ਹਰਦੀਪ ਸਿੰਘ 2145, ਵਾਰਡ ਨੰਬਰ 31 ਤੋਂ ‘ਆਪ’ ਦੇ ਲਖਬੀਰ ਸਿੰਘ 1062, ਵਾਰਡ ਨੰਬਰ 32 ਤੋਂ ਭਾਜਪਾ ਦੇ ਜਸਮਨਪ੍ਰੀਤ ਸਿੰਘ 940, ਵਾਰਡ ਨੰਬਰ-33 ਤੋਂ ਭਾਜਪਾ ਦੇ ਕੰਵਰਜੀਤ ਸਿੰਘ 742, ਵਾਰਡ ਨੰਬਰ 34 ਤੋਂ ਗੁਰਪ੍ਰੀਤ ਸਿੰਘ ਗਾਬੀ ਨੌਂ ਵੋਟਾਂ ਅਤੇ ਵਾਰਡ ਨੰਬਰ 35 ਤੋਂ ਭਾਜਪਾ ਦੇ ਰਾਜਿੰਦਰ ਕੁਮਾਰ ਸ਼ਰਮਾ 474 ਵੋਟਾਂ ਨਾਲ ਜੇਤੂ ਰਹੇ।
