ਮੁੰਬਈ: ਅਦਾਕਾਰ ਰਣਵੀਰ ਸਿੰਘ ਤੇ ਅਦਾਕਾਰਾ ਆਲੀਆ ਭੱਟ ਦੀ ਫਿਲਮ ‘ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ’ ਦੀ ਵਿਸ਼ੇਸ਼ ਸਕ੍ਰੀਨਿੰਗ ਮੌਕੇ ਮੰਗਲਵਾਰ ਰਾਤ ਨੂੰ ਬੌਲੀਵੁੱਡ ਦੀਆਂ ਹਸਤੀਆਂ ਇਕੱਠੀ ਹੋਈਆਂ। ਇਸ ਮੌਕੇ ਪਹੁੰਚੀ ਕ੍ਰਿਸ਼ਮਾ ਕਪੂਰ ਨੇ ਰਣਵੀਰ ਸਿੰਘ ਤੇ ਰਣਬੀਰ ਕਪੂਰ ਨਾਲ ਇੱਕ ਖਾਸ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਤਸਵੀਰ ਵਿੱਚ ਕ੍ਰਿਸ਼ਮਾ ਨੇ ਆਪਣੇ ਚਚੇਰੇ ਭਰਾ ਰਣਬੀਰ ਨੂੰ ਫੜਿਆ ਹੋਇਆ ਅਤੇ ਰਣਵੀਰ ਨੇ ਉਸ ਦੇ ਦੁਆਲੇ ਆਪਣੀ ਬਾਂਹ ਲਪੇਟੀ ਹੋਈ ਹੈ। ਸਾਰੇ ਕੈਮਰੇ ਵੱਲ ਦੇਖ ਕੇ ਮੁਸਕਰਾ ਰਹੇ ਹਨ। ਕ੍ਰਿਸ਼ਮਾ ਨੇ ਕੈਪਸ਼ਨ ਵਿੱਚ ਲਿਖਿਆ ਹੈ, ‘‘ਮੇਰਾ ਦਿਲ ਅਤੇ ਮੇਰਾ ਖੂਨ ਰੌਕੀ ਅਤੇ ਰਣਬੀਰ। ਕ੍ਰਿਸ਼ਮਾ ਦੀ ਪੋਸਟ ’ਤੇ ਰਣਵੀਰ ਨੇ ਲਾਲ ਦਿਲ ਦੇ ਇਮੋਜੀ ਨਾਲ ਪ੍ਰਤੀਕਿਰਿਆ ਦਿੱਤੀ ਹੈ। ਇਸ ਪੋਸਟ ’ਤੇ ਕ੍ਰਿਸ਼ਮਾ ਦੀ ਭੈਣ ਕਰੀਨਾ ਨੇ ਵੀ ਟਿੱਪਣੀ ਕੀਤੀ ਹੈ। ਕ੍ਰਿਸ਼ਮਾ ਕਾਲਾ ਟੌਪ, ਮੈਚਿੰਗ ਪੈਂਟ ਅਤੇ ਇੱਕ ਗੁਲਾਬੀ ਬਲੇਜ਼ਰ ਪਹਿਨ ਕੇ ਫਿਲਮ ਦੀ ਸਕ੍ਰੀਨਿੰਗ ਵਿੱਚ ਸ਼ਾਮਲ ਹੋਈ। ਰਣਬੀਰ ਆਪਣੀ ਪਤਨੀ ਆਲੀਆ ਨਾਲ ‘ਟੀਮ ਰੌਕੀ ਔਰ ਰਾਣੀ’ ਦੀ ਹੁਡੀਜ਼ ਪਾ ਕੇ ਸਕ੍ਰੀਨਿੰਗ ’ਤੇ ਪਹੁੰਚੇ। ਰਣਵੀਰ ਨੇ ਚਿੱਟੇ ਰੰਗ ਦੀ ਸਵੈਟ ਸ਼ਰਟ ਪਹਿਨੀ ਹੋਈ ਸੀ, ਜਿਸ ’ਤੇ ‘ਟੀਮ ਰੌਕੀ ਔਰ ਰਾਣੀ’ ਪ੍ਰਿੰਟ ਕੀਤਾ ਹੋਇਆ ਸੀ। ‘ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ’ ਦੀ ਸਕ੍ਰੀਨਿੰਗ ’ਤੇ ਵਿੱਕੀ ਕੌਸ਼ਲ, ਕੈਟਰੀਨਾ ਕੈਫ, ਸਾਰਾ ਅਲੀ ਖਾਨ, ਅਨੰਨਿਆ ਪਾਂਡੇ ਅਤੇ ਗੌਰੀ ਖਾਨ ਨੇ ਵੀ ਸ਼ਿਰਕਤ ਕੀਤੀ। ਇਹ ਫਿਲਮ ਕਰਨ ਜੌਹਰ ਵੱਲੋਂ ਨਿਰਦੇਸ਼ਿਤ ਹੈ ਅਤੇ ਇਸ ਵਿੱਚ ਦਿੱਗਜ ਸਿਤਾਰੇ ਸ਼ਬਾਨਾ ਆਜ਼ਮੀ, ਜਯਾ ਬੱਚਨ ਅਤੇ ਧਰਮਿੰਦਰ ਵੀ ਹਨ। ਇਹ ਫਿਲਮ 28 ਜੁਲਾਈ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
