ਲਿਵਰਪੂਲ (ਯੂਕੇ):ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਆਪਣੀ ਨਿੱਜੀ ਤੇ ਪੇਸ਼ੇਵਰ ਜ਼ਿੰਦਗੀ ਸਬੰਧੀ ਸੋਸ਼ਲ ਮੀਡੀਆ ’ਤੇ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਪ੍ਰਿਅੰਕਾ ਨੇ ਇੰਸਟਾਗ੍ਰਾਮ ’ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਜਿਸ ਵਿਚ ਉਹ ਲਿਵਰਪੂਲ ਵਿਚ ਆਪਣੇ ਪਤੀ ਨਿਕ ਜੋਨਸ, ਧੀ ਮਾਲਤੀ, ਮਾਂ ਮਧੂ ਚੋਪੜਾ ਅਤੇ ਆਪਣੇ ਸਹੁਰਿਆਂ ਨਾਲ ਛੁੱਟੀਆਂ ਦੌਰਾਨ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ। ਪ੍ਰਿਅੰਕਾ ਨੇ ਆਪਣੀ ਪੂਰੀ ਯਾਤਰਾ ਅਤੇ ਰੇਲ ਯਾਤਰਾ ਦੀਆਂ ਝਲਕਾਂ ਸਾਂਝੀਆਂ ਕੀਤੀਆਂ ਹਨ। ਪਹਿਲੀ ਤਸਵੀਰ ਵਿੱਚ ਪ੍ਰਿਅੰਕਾ ਆਪਣੇ ਪਤੀ ਨਿਕ ਕੋਲ ਬੈਠੀ ਹੈ। ਜਦੋਂ ਕਿ ਦੂਜੀ ਤਸਵੀਰ ਨਿੱਕ ਨੇ ਉਨ੍ਹਾਂ ਸਾਰਿਆਂ ਦੀ ਖਿੱਚੀ ਹੈ ਜਦੋਂ ਉਹ ਕਰੂਜ਼ ’ਤੇ ਸਵਾਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਪ੍ਰਿਅੰਕਾ ਨੇ ਆਪਣੀ ਦੋਸਤ ਤਮੰਨਾ ਦੱਤ ਨਾਲ ਵੀ ਪੋਸਟ ਸ਼ੇਅਰ ਕੀਤੀ ਹੈ। ਇਕ ਹੋਰ ਤਸਵੀਰ ਵਿਚ ਪ੍ਰਿਯੰਕਾ ਦੀ ਧੀ ਮਾਲਤੀ ਮੈਰੀ ਹਰੇ ਰੰਗ ਦਾ ਪਰਸ ਖੋਲ੍ਹਦੀ ਹੋੀ ਨਜ਼ਰ ਆਉਂਦੀ ਹੈ। ਇਕ ਹੋਰ ਤਸਵੀਰ ਵਿੱਚ ਪ੍ਰਿਅੰਕਾ ਮਾਲਤੀ ਨੂੰ ਰੇਲਗੱਡੀ ਦੀ ਖਿੜਕੀ ਦੇ ਬਾਹਰ ਸੁੰਦਰ ਨਜ਼ਾਰੇ ਦਿਖਾਉਂਦੀ ਦਿਖਾਈ ਦੇ ਰਹੀ ਹੈ। ਇਕ ਹੋਰ ਤਸਵੀਰ ਵਿਚ ਮਾਲਤੀ ਇਕ ਹੋਰ ਬੱਚੇ ਨਾਲ ਖੇਡ ਰਹੀ ਹੈ ਤੇ ਦੋਵੇਂ ਰੇਲਗੱਡੀ ਦੀ ਖਿੜਕੀ ਤੋਂ ਬਾਹਰ ਦੇਖ ਰਹੇ ਹਨ। ਪ੍ਰਿਅੰਕਾ ਨੇ ਆਪਣੀ ਮਾਂ ਮਧੂ ਚੋਪੜਾ ਅਤੇ ਸੱਸ ਡੈਨਿਸ ਜੋਨਸ ਦੀ ਸਾਂਝੀ ਤਸਵੀਰ ਵੀ ਜਨਤਕ ਕੀਤੀ ਹੈ। ਪ੍ਰਿਅੰਕਾ ਨੇ ਕੈਪਸ਼ਨ ’ਚ ਲਿਖਿਆ, ‘ਮੈਜਿਕ…. #ਫੈਮਿਲੀ।’ ਨਿਕ ਨੇ ਇਸ ਦਾ ਦਿਲ ਦੀ ਇਮੋਜੀ ਨਾਲ ਜਵਾਬ ਦਿੱਤਾ। ਇਸ ਤੋਂ ਪਹਿਲਾਂ ਨਿਕ ਨੇ ਆਪਣੀ ਬੇਟੀ ਨਾਲ ਇਕ ਤਸਵੀਰ ਵੀ ਸ਼ੇਅਰ ਕੀਤੀ ਸੀ ਜੋ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਈ ਸੀ।
