ਮੁੰਬਈ:ਬੌਲੀਵੁੱਡ ਅਦਾਕਾਰ ਅਮਿਤਾਭ ਬੱਚਨ ਅਤੇ ਅਦਾਕਾਰਾ ਰਸ਼ਮਿਕਾ ਮੰਦਾਨਾ ਦੀ ਫ਼ਿਲਮ ‘ਗੁੱਡਬਾਏ’ ਵਿੱਚ ਬੌਲੀਵੁੱਡ ਦੀ ਉੱਘੀ ਅਦਾਕਾਰਾ ਨੀਨਾ ਗੁਪਤਾ ਵੀ ਨਜ਼ਰ ਆਏਗੀ। ਵਿਕਾਸ ਬਹਿਲ ਦੇ ਨਿਰਦੇਸ਼ਨ ਹੇਠ ਬਣਨ ਵਾਲੀ ਇਸ ਫ਼ਿਲਮ ਵਿੱਚ ਨੀਨਾ, ਬਿੱਗ ਬੀ ਦੀ ਪਤਨੀ ਦੀ ਭੂਮਿਕਾ ਨਿਭਾਉਣ ਜਾ ਰਹੀ ਹੈ। ਅਮਿਤਾਭ ਬੱਚਨ ਤੇ ਨੀਨਾ ਗੁਪਤਾ ਦੀ ਇਹ ਪਹਿਲੀ ਫ਼ਿਲਮ ਹੈ। ਅਦਾਕਾਰਾ ਨੇ ਆਖਿਆ,‘‘ਜਦੋਂ ਵਿਕਾਸ ਨੇ ਮੈਨੂੰ ਫ਼ਿਲਮ ਦੀ ਕਹਾਣੀ ਪੜ੍ਹ ਕੇ ਸੁਣਾਈ ਤਾਂ ਮੈਂ ਬਹੁਤ ਖੁਸ਼ ਸੀ। ਇਹ ਬਹੁਤ ਕਮਾਲ ਦੀ ਸਕ੍ਰਿਪਟ ਸੀ ਅਤੇ ਜਦੋਂ ਕਹਾਣੀ ਇੰਨੀ ਚੰਗੀ ਹੋਵੇ ਤਾਂ ਕੋਈ ਹੋਰ ਕੁਝ ਨਹੀਂ ਸੋਚਦਾ। ਹੋਰ ਤਾਂ ਹੋਰ ਭੂਮਿਕਾ ਬਹੁਤ ਚੰਗੀ ਲਿਖੀ ਹੈ ਅਤੇ ਮੈਂ ਅਮਿਤਾਭ ਨਾਲ ਪਰਦੇ ’ਤੇ ਨਜ਼ਰ ਆਉਣ ਲਈ ਉਤਾਵਲੀ ਹਾਂ। ਮੇਰੇ ਲਈ ਇਹ ਸੁਫ਼ਨਾ ਹਕੀਕਤ ਵਿਚ ਬਦਲਣ ਵਾਂਗ ਹੈ ਅਤੇ ਮੈਂ ਇਸ ਫ਼ਿਲਮ ਤੋਂ ਬਹੁਤ ਉਤਸ਼ਾਹਿਤ ਹਾਂ।’’
