ਸਰੀ (Baljinder Sekha) : ਕੈਨੇਡਾ ਦੇ ਸਹਿਰ ਸਰੀ ਨਿਵਾਸੀ ਨਾਮਵਿਰ ਲੇਖਕ ਹਰਪ੍ਰੀਤ ਸੇਖਾ ਦੁਆਰਾ ਲਿਖੀ ਕਹਾਣੀ ‘ਰਾਮਗਊ’ ਨੂੰ ਰਾਜਸਥਾਨ ਦੀ ਮਹਾਰਾਜਾ ਗੰਗਾ ਸਿੰਘ ਯੂਨੀਵਰਸਿਟੀ, ਬੀਕਾਨੇਰ ਨੇ ਆਪਣੇ ਸਾਲ 2024-25 ਬੀ.ਏ. ਪੰਜਾਬੀ ਦੇ ਸਮੈਸਟਰ 4 ਦੇ ਸਿਲੇਬਸ ਦੀ ਕਹਾਣੀ ਸੰਗ੍ਰਹਿ ਪੁਸਤਕ ‘ਕਥਾ ਦੀਪ’ ਵਿੱਚ ਸ਼ਾਮਲ ਕੀਤਾ ਹੈ। ਇਹ ਜਾਣਕਾਰੀ ਡਾ. ਸੰਦੀਪ ਸਿੰਘ ਮੁੰਡੇ ਕਨਵੀਨਰ, ਬੋਰਡ ਆਫ਼ ਸਟਡੀਜ਼, ਪੰਜਾਬੀ ਮਹਾਰਾਜਾ ਗੰਗਾ ਸਿੰਘ ਯੂਨੀਵਰਸਿਟੀ, ਬੀਕਾਨੇਰ (ਰਾਜਸਥਾਨ) ਨੇ ਸਾਂਝੀ ਕੀਤੀ ।ਕੈਨੇਡਾ ਦੇ ਸਾਹਿਤਕ ਹਲਕਿਆਂ ਨੇ ਵਿੱਚ ਇਸ ਖ਼ਬਰ ਨਾਲ ਖੁਸ਼ੀ ਪ੍ਰਗਟਾਵਾ ਕੀਤਾ ਹੈ।ਇਸ ਕਿਤਾਬ ਵਿਚ ਹਰਪ੍ਰੀਤ ਸੇਖਾ ਤੋਂ ਇਲਾਵਾ ਸਰਵ ਸ਼੍ਰੀ ਗੁਰਬਖਸ਼ ਸਿੰਘ ਪ੍ਰੀਤਲੜੀ, ਸੁਜਾਨ ਸਿੰਘ, ਕੁਲਵੰਤ ਸਿੰਘ ਵਿਰਕ, ਸੰਤੋਖ ਸਿੰਘ ਧੀਰ, ਅਜੀਤ ਕੌਰ, ਪ੍ਰੇਮ ਪ੍ਰਕਾਸ਼, ਜਿੰਦਰ, ਸਾਂਵਲ ਧਾਮੀ ਅਤੇ ਸਿਮਰਨ ਧਾਲੀਵਾਲ ਦੀਆਂ ਕਹਾਣੀਆਂ ਸ਼ਾਮਿਲ ਹਨ।
