ਮਿਲਾਨ(ਦਲਜੀਤ ਮੱਕੜ)
ਈਸਾਈ ਧਰਮ ਦੇ ਸਭ ਤੋਂ ਵੱਡੇ ਤਿਉਹਾਰ ਕ੍ਰਿਸਮਿਸ ਨੂੰ ਮਨਾਉਣ ਲਈ ਜਿੱਥੇ ਸਮੁੱਚੇ ਵਿਸ਼ਵ ਭਰ ਵਿੱਚ ਤਿਆਰੀਆਂ ਜੋਰਾਂ ਤੇ ਚੱਲ ਰਹੀਆਂ ਹਨ।ਉੱਥੇ ਯੂਰਪੀਅਨ ਮੁਲਕ ਇਟਲੀ ਅੰਦਰ ਵੀ ਇਸ ਤਿਉਹਾਰ ਨੂੰ ਲੈ ਕੇ ਲੋਕਾਂ ਵਿੱਚ ਕਾਫੀ ਉਤਸ਼ਾਹ ਦਿਖਾਈ ਦੇ ਰਿਹਾ ਹੈ।ਕ੍ਰਿਸਮਸ ਦੇ ਮੱਦੇਨਜਰ ਸਾਰੇ ਸ਼ਹਿਰਾਂ ਅਤੇ ਮਾਰਕੀਟਾਂ ਵਿੱਚ ਖੂਬ ਸਜਾਵਟ ਕੀਤੀ ਗਈ ਹੈ ਅਤੇ ਥਾਂ-ਥਾਂ ਤੇ ਕ੍ਰਿਸਮਸ ਟਰੀ(ਕ੍ਰਿਸਮਸ ਦਰੱਖਤ) ਲਗਾਏ ਹਨ ।ਜੋ ਕਿ ਰੰਗ ਬਿਰੰਗੀਆਂ ਰੌਸ਼ਨੀਆਂ ਨਾਲ਼ ਜਗਮਗਾ ਰਹੇ ਹਨ।ਰੋਮ ਸਥਿੱਤ ਪਵਿੱਤਰ ਵੈਟੀਕਨ ਸਿਟੀ ਅਤੇ ਹੋਰਨਾਂ ਸ਼ਹਿਰਾਂ ਦੇ ਗਿਰਜਾਘਰਾਂ ਅੰਦਰ ਕ੍ਰਿਸਮਸ ਸਬੰਧੀ ਵਿਸ਼ੇਸ਼ ਪ੍ਰਾਥਨਾਵਾਂ ਵੀ ਸ਼ੁਰੂ ਹੋ ਗਈਆਂ ਹਨ।ਉੱਧਰ ਪ੍ਰਾਸ਼ਸ਼ਨ ਵੱਲੋਂ ਕ੍ਰਿਸਮਸ ਦੇ ਮੱਦੇਨਜਰ ਲੋਕਾਂ ਦੀ ਸੁਰੱਖਿਆ ਲਈ ਚੌਕਸੀ ਵਧਾ ਦਿੱਤੀ ਗਈ ਹੈ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ।
