ਵਿਨੀਪੈਗ ,ਮੈਨੀਟੋਬਾ ( ਕੁਲਤਰਨ ਸਿੰਘ ਪਧਿਆਣਾ) : ਜਸਟਿਨ ਟਰੂਡੋ ਨੂੰ ਹਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਕੰਜ਼ਰਵੇਟਿਵ ਸਿਆਸਤਦਾਨ ਪੀਅਰ ਪੋਲੀਵਰ ਨੇ ਕਿਹਾ ਹੈ ਕਿ ਜੇਕਰ ਉਹ ਚੁਣੇ ਜਾਂਦੇ ਹਨ ਤਾਂ ਉਹ ਕੈਨੇਡਾ ਦੇ ਇਮੀਗ੍ਰੇਸ਼ਨ ਪੱਧਰ ਨੂੰ ਬਣਾਏ ਜਾ ਰਹੇ ਘਰਾਂ ਦੀ ਗਿਣਤੀ ਨਾਲ ਜੋੜ ਦੇਣਗੇ । ਪੀਅਰ ਪੋਲੀਵਰ ਨੇ ਸ਼ੁੱਕਰਵਾਰ ਨੂੰ ਟਰੂਡੋ ਦੇ ਹਾਊਸਿੰਗ ਮੰਤਰੀ ਸ਼ਾਨ ਫਰੇਜ਼ਰ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਜਦੋਂ ਫਰੇਜ਼ਰ ਇਮੀਗ੍ਰੇਸ਼ਨ ਮੰਤਰੀ ਸਨ , ਉਸਨੇ ਇਹ ਯਕੀਨੀ ਬਣਾਏ ਬਿਨਾਂ ਕਿ ਨਵੇਂ ਆਉਣ ਵਾਲਿਆਂ ਦੀ ਵਧਦੀ ਗਿਣਤੀ ਨੂੰ ਵਸਾਇਆ ਜਾ ਸਕਦਾ ਹੈ ਜਾਂ ਨਹੀ ਇਮੀਗ੍ਰੇਸ਼ਨ ਟੀਚੇ ਨੂੰ ਵਧਾਇਆ ਜਾਂਦਾ ਰਿਹਾ ।ਸਾਨੂੰ ਬਣਾਏ ਗਏ ਘਰਾਂ ਦੀ ਗਿਣਤੀ ਅਤੇ ਨਵੇਂ ਕੈਨੇਡੀਅਨਾਂ ਵਜੋਂ ਅਸੀਂ ਬੁਲਾਏ ਗਏ ਲੋਕਾਂ ਦੀ ਗਿਣਤੀ ਦੇ ਵਿਚਕਾਰ ਇੱਕ ਸਬੰਧ ਬਣਾਉਣ ਦੀ ਲੋੜ ਹੈ, “ਪੋਲੀਏਵਰ ਨੇ ਵਿਨੀਪੈਗ ਵਿੱਚ ਇੱਕ ਨਿਊਜ਼ ਕਾਨਫਰੰਸ ਵਿੱਚ ਬੋਲਦਿਆਂ ਇਹ ਗੱਲ ਕਹੀ ਹੈ
ਪੋਲੀਵਰ ਦਾ ਕਹਿਣਾ ਹੈ ਕਿ ਉਸਦੀ ਕੰਜ਼ਰਵੇਟਿਵ ਪਾਰਟੀ “ਇਮੀਗ੍ਰੇਸ਼ਨ ਦੀ ਇੱਕ ਪਹੁੰਚ ‘ਤੇ ਵਾਪਸ ਆਵੇਗੀ ਕਿ ਅਸੀਂ ਉਸ ਗਿਣਤੀ ਵਿੱਚ ਹੀ ਨਵੇਂ ਇਮੀਗ੍ਰੈਂਟਸ ਨੂੰ ਸੱਦਾ ਦੇਈਏ ਜਿੰਨਿਆ ਨੂੰ ਅਸੀ ਆਪਣੀ ਸਿਹਤ-ਸੰਭਾਲ ਪ੍ਰਣਾਲੀ ਵਿੱਚ ਘਰ, ਰੁਜ਼ਗਾਰ ਅਤੇ ਦੇਖਭਾਲ ਦੇ ਤੌਰ ਤੇ ਸਾਂਭ ਸਕਦੇ ਹਾਂ।” ਉਸ ਵੱਲੋ ਅੰਕੜਿਆਂ ਦਾ ਹਵਾਲਾ ਦਿੰਦਿਆ ਕਿਹਾ ਗਿਆ ਹੈ ਕਿ ਕੈਨੇਡਾ ਹੁਣ 50 ਸਾਲ ਪਹਿਲਾਂ ਨਾਲੋਂ ਘੱਟ ਘਰ ਬਣਾ ਰਿਹਾ ਹੈ, ਜਦੋਂ ਇਸਦੀ ਆਬਾਦੀ ਲਗਭਗ 22 ਮਿਲੀਅਨ ਸੀ। ਇਹ ਅੱਜ 41 ਮਿਲੀਅਨ ਦੇ ਨੇੜੇ ਹੈ।
ਕੈਨੇਡਾ ਵਿੱਚ 2022 ਵਿੱਚ 219,942 ਨਵੇਂ ਘਰ ਪੂਰੇ ਹੋਏ ਸਨ, ਸਭ ਤੋਂ ਹਾਲੀਆ ਸਾਲ ਜਿਸ ਲਈ ਪੂਰਾ ਡੇਟਾ ਉਪਲਬਧ ਹੈ, 1972 ਵਿੱਚ 232,227 ਦੇ ਮੁਕਾਬਲੇ, ਜਦੋਂ ਦੇਸ਼ ਉਸਾਰੀ ਵਿੱਚ ਤੇਜ਼ੀ ਦੇ ਦੌਰ ਵਿੱਚੋਂ ਲੰਘ ਰਿਹਾ ਸੀ।
