ਮੁੰਬਈ, 10 ਮਈ
ਅਦਾਕਾਰਾ ਹੁਮਾ ਕੁਰੈਸ਼ੀ ਨੇ ਅੱਜ ਇੱਥੇ ਸੋਸ਼ਲ ਮੀਡੀਆ ’ਤੇ ਐਲਾਨ ਕਰਦਿਆਂ ਦੱਸਿਆ ਕਿ ਉਸ ਦੀ ਆਗਾਮੀ ਵੈੱਬ ਸੀਰੀਜ਼ ‘ਮਹਾਰਾਣੀ’ 28 ਮਈ ਨੂੰ ਸੋਨੀਲਿਵ ਐਪ ’ਤੇ ਰਿਲੀਜ਼ ਹੋਵੇਗੀ। ਸੀਰੀਜ਼ ਵਿੱਚ ਰਾਣੀ ਭਾਰਤੀ ਦੀ ਭੂਮਿਕਾ ਨਿਭਾਉਣ ਵਾਲੀ 34 ਸਾਲਾ ਅਦਾਕਾਰਾ ਨੇ ਟਵਿੱਟਰ ’ਤੇ ਰਿਲੀਜ਼ ਹੋਣ ਦੀ ਮਿਤੀ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਉਸ ਨੇ ਲਿਖਿਆ, ‘‘ਬਿਹਾਰ ਦੇ 90ਵੇਂ ਦਹਾਕੇ ਦਾ ਰਾਜਨੀਤਿਕ ਡਰਾਮਾ… ਜਾਤ, ਰਵਾਇਤੀ ਖੇਤਰ ਅਤੇ ਉੱਭਰਦੀ ਆਵਾਜ਼ ਦੇ ਹਿਸਾਬ ਨਾਲ… ਕੀ ਇੱਕ ਅਨਪੜ੍ਹ ਔਰਤ ਇਸ ਤੋਂ ਬਚ ਪਾਏਗੀ? #ਮਹਾਰਾਣੀ… ਆ ਰਹੀ ਹੈ 28 ਮਈ ਨੂੰ ਸੋਨੀਲਿਵ ’ਤੇ।’’ ਇਸ ਸੀਰੀਜ਼ ਵਿੱਚ ਅਦਾਕਾਰ ਸੋਹਮ ਸ਼ਾਹ, ਅਮਿਤ ਸੇਅਲ, ਕਾਨੀ ਕੁਸਰੁਤੀ ਅਤੇ ਵਿਨੀਤ ਕੁਮਾਰ ਨੇ ਵੀ ਅਹਿਮ ਭੂਮਿਕਾ ਨਿਭਾਈ ਹੈ। ਕਰਨ ਸ਼ਰਮਾ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਸੀਰੀਜ਼ ਨੂੰ ਫਿਲਮਸਾਜ਼ ਸੁਭਾਸ਼ ਕਪੂਰ ਨੇ ਬਣਾਇਆ ਹੈ, ਜੋ ਇਸ ਸੀਰੀਜ਼ ਨੂੰ ਪ੍ਰੋਡਿਊਸ ਵੀ ਕਰ ਰਹੇ ਹਨ। ਸੀਰੀਜ਼ ਦੇ ਸਹਿ-ਨਿਰਮਾਤਾ ਨਿਰੇਨ ਕੁਮਾਰ ਹਨ।
