ਅੰਮ੍ਰਿਤਸਰ, 16 ਸਤੰਬਰ
ਲਾਪਤਾ ਪਾਵਨ ਸਰੂਪ ਮਾਮਲੇ ਵਿੱਚ ਸਤਿਕਾਰ ਕਮੇਟੀਆਂ ਤੇ ਹੋਰ ਸਿੱਖ ਜਥੇਬੰਦੀਆ ਵਲੋਂ ਸ਼ੁਰੂ ਕੀਤਾ ਧਰਨਾ ਅੱਜ ਤੀਜੇ ਦਿਨ ਵੀ ਜਾਰੀ ਹੈ। ਧਰਨਾਕਾਰੀਆ ਨੇ ਧਰਨਾ ਸਥਾਨ ਬਦਲਕੇ ਸ਼ੋਮਣੀ ਕਮੇਟੀ ਦੇ ਮੁੱਖ ਦਫਤਰ ਦੇ ਗੇਟ ਤੋਂ ਹਟਾ ਲਿਆ ਅਤੇ ਇਸ ਨੂੰ ਕੁੱਝ ਪਿਛਾਂਹ ਉਸਾਰੀ ਅਧੀਨ ਇਮਾਰਤ ਹੇਠ ਲੈ ਗਏ।
ਇਸ ਦੌਰਾਨ ਅੱਜ ਧਰਨਾਕਾਰੀਆ ਦੇ ਸਾਥੀਆ ਦਾ ਵਫਦ ਪੁਲੀਸ ਕਮਿਸ਼ਨਰ ਨੂੰ ਮਿਲਣ ਲਈ ਜਾਵੇਗਾ ਅਤੇ ਦੋਸ਼ੀਆ ਖ਼ਿਲਾਫ਼ ਪੁਲੀਸ ਕਾਰਵਾਈ ਵਾਸਤੇ ਦਰਖਾਸਤ ਦੇੇਵਗਾ। ਉਨ੍ਹਾਂ ਨੇ ਕੱਲ੍ਹ ਪੁਲੀਸ ਕਮਿਸ਼ਨਰ ਕੋਲੋਂ ਮਿਲਣ ਲਈ ਸਮਾਂ ਲਿਆ ਸੀ। ਇਸ ਦੌਰਾਨ ਅੱਜ ਸਥਿਤੀ ਸ਼ਾਂਤਮਈ ਹੈ। ਸ਼੍ਰੋਮਣੀ ਕਮੇਟੀ ਵਲੋਂ ਫਿਲਹਾਲ ਤਿੰਨ ਪਾਸੇ ਟੀਨਾ ਲਾ ਕੇ ਕੀਤੀ ਕਿਲਾਬੰਦੀ ਨੂੰ ਜਿਵੇਂ ਦਾ ਤਿਵੇਂ ਰੱਖਿਆ ਗਿਆ ਹੈ।
