ਮੁੰਬਈ:ਅਦਾਕਾਰਾ ਰਸਿਕਾ ਦੁੱਗਲ ਨੇ ਸੋਸ਼ਲ ਮੀਡੀਆ ’ਤੇ ਆਪਣੀ ਨਵੀਂ ਵੈੱਬ ਸੀਰੀਜ਼ ‘ਆਊਟ ਆਫ ਲਵ 2’ ਦੀ ਟੀਮ ਨੂੰ ਸਮਰਪਿਤ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਉਸ ਨੇ ਕਈ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਵਿੱਚ ਸੀਰੀਜ਼ ਨਾਲ ਸਬੰਧਤ ਹਰ ਵਿਅਕਤੀ ਸ਼ਾਮਲ ਹੈ। ਰਸਿਕਾ ਨੇ ਆਪਣੀ ਪੋਸਟ ਵਿੱਚ ਲਿਖਿਆ, ‘ਉਨ੍ਹਾਂ ਸ਼ਾਨਦਾਰ ਸਹਿ-ਅਦਾਕਾਰਾਂ ਲਈ, ਜਿਨ੍ਹਾਂ ਦਾ ਤੁਸੀਂ ਸਹਾਰਾ ਲੈ ਸਕਦੇ ਹੋ, ਜਿਨ੍ਹਾਂ ਨਾਲ ਹੱਸ ਸਕਦੇ ਹੋ, ਉਬਾਸੀ ਲੈ ਸਕਦੇ ਹੋ, ਖਾਣੇ ਦਾ ਆਰਡਰ ਕਰ ਸਕਦੇ ਹੋ, ਖੁੱਲ੍ਹ ਕੇ ਹੱਸ-ਖੇਡ ਸਕਦੇ ਹੋ ਅਤੇ ਮੇਰੇ ਸਭ ਤੋਂ ਖ਼ਾਸ ਸਹਿ-ਅਦਾਕਾਰ @ਕਬੀਰਕਚਰੂ ਲਈ। ਓਨੀ ਸੇਨ ਵੱਲੋਂ ਨਿਰਦੇਸ਼ਿਤ, ‘ਆਊਟ ਆਫ਼ ਲਵ’ ਦੇ ਦੂਜੇ ਸੀਜ਼ਨ ਵਿੱਚ ਰਸਿਕਾ ਅਤੇ ਪੂਰਬ ਕੋਹਲੀ ਨੇ ਮੀਰਾ ਅਤੇ ਆਕਰਸ਼ ਦੇ ਰੂਪ ਵਿੱਚ ਆਪਣੀਆਂ ਭੂਮਿਕਾਵਾਂ ਦੁਬਾਰਾ ਨਿਭਾਈਆਂ ਹਨ। ਬੀਬੀਸੀ ਸਟੂਡੀਓਜ਼ ਇੰਡੀਆ ਵੱਲੋਂ ਤਿਆਰ ਕੀਤੀ ਗਈ ਇਸ ਵੈੱਬ ਸੀਰੀਜ਼ ਦੀ ਸ਼ੂਟਿੰਗ ਤਾਮਿਲਨਾਡੂ ਦੇ ਕੁੰਨੂਰ ਵਿਚਲੀਆਂ ਸੋਹਣੀਆਂ ਥਾਵਾਂ ’ਤੇ ਕੀਤੀ ਗਈ ਹੈ।
