ਮੁੰਬਈ:ਕਬੀਰ ਖ਼ਾਨ ਦੀ ਨਿਰਦੇਸ਼ਿਤ ਫਿਲਮ ‘83’ ਵਿੱਚ ਉੱਘੇ ਕ੍ਰਿਕਟਰ ਕਪਿਲ ਦੇਵ ਦੀ ਭੂਮਿਕਾ ਨਿਭਾਉਣ ਵਾਲੇ ਅਦਾਕਾਰ ਰਣਵੀਰ ਸਿੰਘ ਨੇ ਹਾਲ ਹੀ ਵਿੱਚ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਇੱਕ ਡਿਜੀਟਲ ਕਾਰਟੂਨ ਸਾਂਝਾ ਕੀਤਾ ਹੈ। ਰਣਵੀਰ ਵੱਲੋਂ ਸਾਂਝਾ ਕੀਤਾ ਗਿਆ ਇਹ ਕਾਰਟੂਨ ਗ੍ਰਾਫੀਕਰੀ’ਜ਼ ਦੇ ਉੱਘੇ ਕਲਾਕਾਰ ਪ੍ਰਸਾਦ ਭੱਟ ਵੱਲੋਂ ਬਣਾਇਆ ਗਿਆ ਹੈ, ਜੋ ਮੁੰਬਈ ਦੇ ਕਾਲਾ ਘੋੜਾ ਫੈਸਟੀਵਲ ਨਾਲ ਜੁੜਿਆ ਹੋਇਆ ਹੈ। ਰਣਵੀਰ ਨੇ ਇੰਸਟਾਗ੍ਰਾਮ ਰਾਹੀਂ ਇਹ ਕਾਰਟੂਨ ਸਾਂਝਾ ਕੀਤਾ ਹੈ, ਜਿਸ ਵਿੱਚ ਕਪਿਲ ਦੇਵ ਅਤੇ ਰਣਵੀਰ ਸਿੰਘ ਤੇ ਫਰੈਡੀ ਮਰਕਰੀ ‘ਬੋਹੀਮੀਅਨ ਰੈਫਸੋਡੀ’ ਦੀ ਝਲਕ ਵੀ ਪੈਂਦੀ ਹੈ। ਇਸ ਕਾਰਟੂਨ ਨਾਲ ਰਣਵੀਰ ਨੇ ਲਿਖਿਆ ਹੈ, ‘ਰਣਵੀਰ X ਕਪਿਲ ਦੇਵ X ਫਰੈਡੀ।’
