ਬੇਲਗ੍ਰੇੇਡ, 2 ਨਵੰਬਰ
ਆਕਾਸ਼ ਕੁਮਾਰ ਨੇ ਏਆਈਬੀਏ ਪੁਰਸ਼ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਮੰਗਲਵਾਰ ਨੂੰ ਇਥੇ ਵੇੈਨਜੁਏਲਾ ਦੇ ਸਾਬਕਾ ਓਲੰਪਿਕ ਖਿਡਾਰੀ(ਚਾਂਦੀ ਦਾ ਤਗਮਾ ਜੇਤੂ) ਯੋਏਲ ਫਿਨੋਲ ਰਿਵਾਸ ’ਤੇ ਸ਼ਾਨਦਾਰ ਜਿੱਤ ਦਰਜ ਕਰਕੇ ਸੈਮੀਨਫਾਈਲ ਵਿੱਚ ਪਹੁੰਚ ਕੇ ਭਾਰਤ ਲਈ ਪਹਿਲਾ ਤਗਮਾ ਪੱਕਾ ਕਰ ਲਿਆ। ਕੌਮੀ ਚੈਂਪੀਅਨ 21 ਸਾਲਾ ਭਾਰਤੀ ਮੁੱਕੇਬਾਜ਼ ਨੇ ਵਿਰੋਧੀ ਖਿਡਾਰੀ ਨੂੰ 5-0 ਨਾਲ ਹਰਾਇਆ ਪਰ ਨਰਿੰਦਰ ਬੇਰਵਾਲ(92 ਕਿਲੋ) ਮੁਕਾਬਲੇ ਵਿਚੋਂ ਬਾਹਰ ਹੋ ਗਿਆ। ਉਸ ਨੂੰ ਅਜਰਬੇਜਾਨ ਦੇ ਮੁਹੰਮਦ ਅਬਦੁੱਲਾਯੇਵ ਹੱਥੋਂ (5-0)ਸ਼ਿਕਸਤ ਝੱਲਣੀ ਪਈ। ਰਿੰਗ ਵਿੱਚ ਉਤਰੇ ਫੌਜ ਦੇ ਮੁੱਕੇਬਾਜ਼ ਆਕਾਸ਼ ਨੇ ਵੈਨਜੁਏਲਾ ਦੇ ਖਿਡਾਰੀ ਨੂੰ ਕੋਈ ਮੌਕਾ ਨਹੀਂ ਦਿੱਤਾ ਅਤੇ ਆਪਣੀ ਤੇਜ਼ੀ ਅਤੇ ਤਾਬੜਤੋੜ ਮੁੱਕਿਆਂ ਨਾਲ ਰਿਵਾਸ ਨੂੰ ਹੈਰਾਨ ਕਰ ਦਿੱਤਾ।
