ਬੈੱਲਗ੍ਰੇਡ, 1 ਨਵੰਬਰ
ਭਾਰਤੀ ਮੁੱਕੇਬਾਜ਼ ਨਿਸ਼ਾਂਤ ਦੇਵ (71 ਕਿੱਲੋ) ਅਤੇ ਸੰਜੀਤ (92 ਕਿੱਲੋ) ਨੇ ਇੱਥੇ ਆਖਰੀ 16 ਦੇ ਮੁਕਾਬਲੇ ਵਿਚ ਆਸਾਨ ਜਿੱਤਾਂ ਨਾਲ ਏਆਈਬੀਏ ਪੁਰਸ਼ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿਚ ਜਗ੍ਹਾ ਬਣਾਈ। ਨਿਸ਼ਾਂਤ ਨੇ ਮੈਕਸਿਕੋ ਦੇ ਮਾਰਕੋ ਅਲਵਾਰੇਜ਼ ਵੈਰਡੇ ਨੂੰ ਐਤਵਾਰ ਰਾਤ ਨੂੰ ਹੋਏ ਮੁਕਾਬਲੇ ਵਿਚ 3-2 ਨਾਲ ਹਰਾਇਆ। ਉਹ ਕੁਆਰਟਰ ਫਾਈਨਲ ਵਿਚ ਰੂਸ ਦੇ ਵਾਦਿਮ ਮੁਸਾਏਵ ਨਾਲ ਭਿੜੇਗਾ। ਪਿਛਲੀ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿਚ ਪਹੁੰਚੇ ਸੰਜੀਤ ਨੇ ਜੌਰਜੀਆ ਦੇ ਜਿਓਰਜੀ ਚਿਗਲੇਡਜ਼ ਨੂੰ 4-1 ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਆਖ਼ਰੀ ਅੱਠ ਵਿਚ ਪ੍ਰਵੇਸ਼ ਕੀਤਾ। ਸੰਜੀਤ ਕੁਆਰਟਰ ਫਾਈਨਲ ਵਿਚ ਇਟਲੀ ਦੇ ਅਜ਼ੀਜ਼ ਆਬੇਸ ਮੋਹਿਦੀਨ ਨਾਲ ਭਿੜੇਗਾ।
