ਮੁੰਬਈ:ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਨੇ ਆਖਿਆ ਕਿ ਉਸ ਨੇ ਕਰੋਨਾ ਰੋਕੂ ਦੂਜਾ ਟੀਕਾ ਲਗਵਾ ਲਿਆ ਅਤੇ ਦੇਸ਼ ਵਾਸੀ ਵੀ ਕਰੋਨਾ ਰੋਕੂ ਟੀਕਾ ਲਗਵਾ ਲੈਣ। ਅਦਾਕਾਰਾ ਨੇ ਆਖਿਆ,‘‘ਮੈਂ ਅੱਜ ਆਪਣਾ ਦੂਜਾ ਟੀਕਾ ਲਗਵਾਇਆ। ਮੈਂ ਸਾਰਿਆਂ ਨੂੰ ਅਪੀਲ ਕਰਦੀ ਹਾਂ ਕਿ ਜਿੰਨੀ ਛੇਤੀ ਹੋ ਸਕੇ ਕਰੋਨਾ ਰੋਕੂ ਟੀਕਾ ਲਗਵਾਓ। ਘਰ ਰਹੋ ਸੁਰੱਖਿਅਤ ਰਹੋ। ਸੋਮਵਾਰ ਦੇਰ ਰਾਤ ਮਾਧੁਰੀ ਨੇ ਆਪਣੇ ਟੀਕਾ ਲੱਗਣ ਸਮੇਂ ਕੁਰਸੀ ’ਤੇ ਬੈਠੀ ਦੀ ਤਸਵੀਰ ਵੀ ਸਾਂਝੀ ਕੀਤੀ ਹੈ। ਜਾਣਕਾਰੀ ਅਨੁਸਾਰ ਮਾਧੁਰੀ ਜਲਦ ਹੀ ਡਿਜੀਟਲ ਪਲੈਟਫਾਰਮ ’ਤੇ ਆਪਣੀ ਪਲੇਠੀ ਵੈੱਬ ਸੀਰੀਜ਼ ‘ਫਾਂਈਡਿੰਗ ਅਨਾਮਿਕਾ’ ਨਾਲ ਵਾਪਸੀ ਕਰਨ ਜਾ ਰਹੀ ਹੈ। ਇਸ ਸੀਰੀਜ਼ ਵਿੱਚ ਮਾਧੁਰੀ ‘ਸੁਪਰਸਟਾਰ’ ਦੀ ਭੂਮਿਕਾ ਨਿਭਾਏਗੀ ਜੋ ਗੁੰਮ ਹੋ ਜਾਂਦੀ। ਇਸ ਦਾ ਨਿਰਦੇਸ਼ਨ ਕ੍ਰਿਸ਼ਮਾ ਕੋਹਲੀ ਤੇ ਬਿਜੋਏ ਨਾਂਬਿਆਰ ਨੇ ਕੀਤਾ ਹੈ।
