ਕੁਆਲਾਲੰਪੁਰ, 9 ਅਪਰੈਲ

ਪੁਰਸ਼ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਹਾਕੀ ਟੂਰਨਾਮੈਂਟ, ਜੋ ਕਰੋਨਾ ਮਹਾਮਾਰੀ ਕਾਰਨ ਕਈ ਵਾਰ ਮੁਲਤਵੀ ਕੀਤਾ ਗਿਆ ਹੈ, ਹੁਣ ਢਾਕਾ ਵਿਚ 1 ਤੋਂ 9 ਅਕਤੂਬਰ ਤੱਕ ਖੇਡਿਆ ਜਾਵੇਗਾ। ਏਸ਼ੀਅਨ ਹਾਕੀ ਫੈਡਰੇਸ਼ਨ ਨੇ ਮਹਾਮਾਰੀ ਦੇ ਕਾਰਨ ਦੋ ਵਾਰ ਪੁਰਸ਼ਾਂ ਅਤੇ ਔਰਤਾਂ ਦੇ ਟੂਰਨਾਮੈਂਟ ਨੂੰ ਮੁਲਤਵੀ ਕਰ ਦਿੱਤਾ ਸੀ। ਏਐੱਚਐੱਫ ਦੇ ਮੁੱਖ ਕਾਰਜਕਾਰੀ ਤਇਅਬ ਇਕਰਾਮ ਨੇ ਕਿਹਾ, “ਮੈਨੂੰ ਇਹ ਦੱਸਦਿਆਂ ਖੁਸ਼ੀ ਹੋ ਰਹੀ ਹੈ ਕਿ ਹੀਰੋ ਮੈਨ’ਜ਼ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ 2021 ਇਸ ਸਾਲ ਅਕਤੂਬਰ ਵਿੱਚ ਖੇਡੀ ਜਾਏਗੀ।”