ਪੋਰਟ ਆਫ ਸਪੇਨ, 22 ਜੁਲਾਈ
ਵਿਰਾਟ ਕੋਹਲੀ ਦੇ 29ਵੇਂ ਟੈਸਟ ਸੈਂਕੜੇ ਦੀ ਮਦਦ ਨਾਲ ਭਾਰਤ ਨੇ ਵੈਸਟ ਇੰਡੀਜ਼ ਖ਼ਿਲਾਫ਼ ਦੂਜੇ ਟੈਸਟ ਵਿੱਚ 438 ਦੌੜਾਂ ਬਣਾਈਆਂ, ਜਿਸ ਦੇ ਜੁਆਬ ਵਿੱਚ ਮੇਜ਼ਬਾਨ ਟੀਮ ਨੇ ਦੂਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਇਕ ਵਿਕਟ ‘ਤੇ 86 ਦੌੜਾਂ ਬਣਾਈਆਂ ਪਣੀ ਪਹਿਲੀ ਪਾਰੀ ਵਿਚ 438 ਦੌੜਾਂ ਬਣਾਈਆਂ। ਇਸ ਤਰ੍ਹਾਂ ਭਾਰਤੀ ਟੀਮ ਪਹਿਲੀ ਪਾਰੀ ‘ਚ ਵੈਸਟਇੰਡੀਜ਼ ਤੋਂ 352 ਦੌੜਾਂ ਅੱਗੇ ਹੈ। ਕੋਹਲੀ ਨੇ ਆਪਣੇ 500ਵੇਂ ਅੰਤਰਰਾਸ਼ਟਰੀ ਮੈਚ ਵਿੱਚ ਆਪਣਾ 29ਵਾਂ ਟੈਸਟ ਸੈਂਕੜਾ ਲਗਾ ਕੇ ਸਰ ਡੌਨ ਬ੍ਰੈਡਮੈਨ ਦੀ ਬਰਾਬਰੀ ਕਰ ਲਈ ਹੈ। ਉਸ ਨੇ 121 ਦੌੜਾਂ ਦੀ ਪਾਰੀ ਖੇਡੀ ਜੋ ਕੌਮਾਂਤਰੀ ਕ੍ਰਿਕਟ ਵਿੱਚ ਉਸ ਦਾ 76ਵਾਂ ਸੈਂਕੜਾ ਹੈ।
