ਮੈਸੂਰ (ਕਰਨਾਟਕ), 13 ਫਰਵਰੀ
ਬਾਲੀਵੁੱਡ ਅਦਾਕਾਰਾ ਰਾਖੀ ਸਾਵੰਤ ਦੇ ਪਤੀ ਆਦਿਲ ਦੁਰਾਨੀ ਖ਼ਿਲਾਫ਼ ਮੈਸੂਰ ਵਿੱਚ ਇਰਾਨੀ ਵਿਦਿਆਰਥਣ ਨੇ ਬਲਾਤਕਾਰ ਕਰਨ ਦਾ ਦੋਸ਼ ਲਗਾ ਕੇ ਕੇਸ ਦਰਜ ਕਰਵਾਇਆ ਹੈ। ਪੁਲੀਸ ਨੇ ਦੱਸਿਆ ਕਿ ਰਾਖੀ ਸਾਵੰਤ ਦੇ ਪਤੀ ਆਦਿਲ ਦੁਰਾਨੀ ‘ਤੇ ਬਲਾਤਕਾਰ, ਧੋਖਾਧੜੀ, ਧਮਕੀ ਦੇਣ ਅਤੇ ਬਲੈਕਮੇਲ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ, ਇਹ ਲੜਕੀ ਇਰਾਨ ਤੋਂ ਮੈਸੂਰ ਪੜ੍ਹਨ ਲਈ ਆਈ ਸੀ। ਮੈਸੂਰ ਦੇ ਵੀਵੀ ਪੁਰਮ ਪੁਲੀਸ ਸਟੇਸ਼ਨ ‘ਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਰਾਖੀ ਸਾਵੰਤ ਨੇ ਵੀ ਦੁਰਾਨੀ ਖ਼ਿਲਾਫ਼ ਪੈਸਾ ਖੁਰਦ ਬੁਰਦ ਕਰਨ ਦਾ ਕੇਸ ਦਰਜ ਕਰਵਾਇਆ ਹੋਇਆ ਹੈ।
