ਨਵੀਂ ਦਿੱਲੀ, 11 ਦਸੰਬਰ
ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ (ਆਈਓਸੀ) ਦੀ ਮੁਢਲੀ ਸੂਚੀ ਵਿੱਚ ਥਾਂ ਨਾ ਮਿਲਣ ਦੇ ਬਾਵਜੂਦ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ (ਆਈਸੀਸੀ) ਨੂੰ ਉਮੀਦ ਹੈ ਕਿ ਲਾਸ ਏਂਜਲਸ ਓਲੰਪਿਕ ਖੇਡਾਂ 2028 ਵਿੱਚ ਵਾਧੂ ਖੇਡ ਵਜੋਂ ਕ੍ਰਿਕਟ ਨੂੰ ਜਗ੍ਹਾ ਮਿਲੇਗੀ। ਆਈਓਸੀ ਨੇ ਵੀਰਵਾਰ ਨੂੰ 2028 ਓਲੰਪਿਕ ਲਈ 28 ਖੇਡਾਂ ਦੀ ਸ਼ੁਰੂਆਤੀ ਸੂਚੀ ਜਾਰੀ ਕੀਤੀ, ਜਿਸ ਵਿੱਚ ਸਕੇਟਬੋਰਡਿੰਗ, ਸਰਫਿੰਗ ਅਤੇ ਸਪੋਰਟ ਕਲਾਈਬਿੰਗ ਸ਼ਾਮਲ ਹਨ। ਮੁੱਕੇਬਾਜ਼ੀ, ਵੇਟਲਿਫਟਿੰਗ ਅਤੇ ਮਾਡਰਨ ਪੈਂਟਾਥਲੋਨ ਇਸ ਵਿੱਚ ਸ਼ਾਮਲ ਨਹੀਂ ਹਨ।
