ਵਾਸ਼ਿੰਗਟਨ, 13 ਫਰਵਰੀ
ਅਮਰੀਕਾ ਨੇ ਐਤਵਾਰ ਨੂੰ ਆਪਣੇ ਹਵਾਈ ਖੇਤਰ ਵਿਚ ਦਿਖਾਈ ਦੇਣ ਵਾਲੀ ਇਕ ਹੋਰ ਅਣਪਛਾਤੀ ਚੀਜ਼ ਨੂੰ ਤਬਾਹ ਕਰ ਦਿੱਤਾ। ਇੱਕ ਦਿਨ ਪਹਿਲਾਂ ਉਸ ਨੇ ਕੈਨੇਡਾ ਵਿੱਚ ਦੇਖੀ ਇਹੋ ਜਿਹੀ ਚੀਜ਼ ਨੂੰ ਉਡਾ ਦਿੱਤਾ ਸੀ। ਪੈਂਟਾਗਨ ਦੇ ਪ੍ਰੈੱਸ ਸਕੱਤਰ ਬ੍ਰਿਗੇਡੀਅਰ ਜਨਰਲ ਪੈਟ ਰਾਈਡਰ ਨੇ ਕਿਹਾ ਕਿ ਰਾਸ਼ਟਰਪਤੀ ਜੋਅ ਬਾਇਡਨ ਦੇ ਨਿਰਦੇਸ਼ਾਂ ‘ਤੇ ਐੱਫ-16 ਲੜਾਕੂ ਜਹਾਜ਼ ਨੇ ਮਿਸ਼ੀਗਨ ਰਾਜ ਵਿਚ ਹਿਊਰਨ ਝੀਲ ਦੇ ਉੱਪਰ ਅਮਰੀਕੀ ਹਵਾਈ ਖੇਤਰ ਵਿਚ 20,000 ਫੁੱਟ ਦੀ ਉਚਾਈ ‘ਤੇ ਉੱਡ ਰਹੀ ਵਸਤੂ ਤਬਾਹ ਕਰ ਦਿੱਤਾ।
