ਨਵੀਂ ਦਿੱਲੀ: ਕਿਕੀ ਚੈਲੇਂਜ ਦਾ ਅੱਜ ਕੱਲ੍ਹ ਲੋਕਾਂ `ਤੇ ਭੂਤ ਸਵਾਰ ਹੋ ਰਿਹਾ ਹੈ। ਇਸ ਚੈਲੇਂਜ ਸਵੀਕਾਰ ਕਰਕੇ ਕਾਫੀ ਲੋਕ ਪੂਰਾ ਕਰਨ ਦੀ ਕੋਸਿ਼ਸ਼ ਕਰ ਰਹੇ ਹਨ। ਇਸ ਸਬੰਧੀ ਵਿਵੇਕ ਓਬਰਾਏ ਨੇ ਇਸ ਚੈਲੇਂਜ ਨੂੰ ਨਾ ਕਰਨ ਦੀ ਅਪੀਲ ਕਰਦੇ ਹੋਏ ਕਿਹਾ ਕਿ ਇਸ ਨਾਲ ਦੂਜਿਆ ਦੀ ਜਿ਼ੰਦਗੀ ਨੂੰ ਖਤਰਾ ਰਹਿੰਦਾ ਹੈ।
ਉਨ੍ਹਾਂ ਨੇ ਟਵੀਟ ਕਰਕੇ ਕਿਹਾ ਕਿ ਜਿਸ ਵੀਡਿਓ ਨੂੰ ਮੈਂ ਪਹਿਲਾਂ ਸ਼ੇਅਰ ਕੀਤਾ ਸੀ ਉਹ ਫਰਜ਼ੀ ਹੈ, ਪ੍ਰੰਤੂ ਜਿਸ ਕਿਕੀ ਚੈਲੇਂਜ ਨੂੰ ਸਾਰੇ ਲੋਕ ਕਰ ਰਹੇ ਹਨ, ਉਹ ਖਤਰਨਾਕ ਹੈ। ਕ੍ਰਿਪਾ ਕਰਕੇ ਇਸ ਤੋਂ ਬਚੋਂ, ਕਿਉਂਕਿ ਇਹ ਨਿਰਦੋਸ਼ ਜਾਨਾਂ ਲੈ ਸਕਦਾ ਹੈ, ਉਨ੍ਹਾਂ ਬਾਰੇ ਸੋਚੋ ਜੋ ਤੁਹਾਨੂੰ ਪਿਆਰ ਕਰਦੇ ਹਨ। ਤੁਹਾਡਾ ਜੀਵਨ ਅਨਮੋਲ ਹੈ, ਕਿੱਕੀ ਨੂੰ ਨਾਂਹ ਕਹੋ।
