ਨਵੀਂ ਦਿੱਲੀ— ਭਾਰਤੀ ਕ੍ਰਿਕਟ ਫੈਂਸ ਲਈ 2019 ਵਿਸ਼ਵਕੱਪ ਤੋਂ ਪਹਿਲਾਂ ਹੀ ਇੱਕ ਵੱਡੀ ਖਬਰ ਆ ਗਈ ਹੈ। ਭਾਰਤ, ਸਾਲ 2023 ਵਿਚ ਹੋਣ ਵਾਲੇ ਕ੍ਰਿਕਟ ਵਿਸ਼ਵਕੱਪ ਅਤੇ 2021 ਵਿਚ ਹੋਣ ਵਾਲੀ ਆਈ.ਸੀ.ਸੀ. ਚੈਂਪੀਅੰਨ ਟਰਾਫੀ ਦਾ ਪ੍ਰਬੰਧਕ ਹੋਵੇਗਾ।
ਪਹਿਲਾਂ ਵੀ ਕਰ ਚੁੱਕਾ ਹੈ ਮੇਜ਼ਬਾਨੀ
2019 ਵਿਸ਼ਵਕੱਪ ਇੰਗਲੈਂਡ ਅਤੇ ਵੇਲਸ ਵਿਚ ਖੇਡਿਆ ਜਾਣਾ ਹੈ ਇਸਦੇ ਬਾਅਦ 2023 ਵਿਚ ਹੋਣ ਵਾਲਾ 50 ਓਵਰਾਂ ਦਾ ਕ੍ਰਿਕਟ ਵਿਸ਼ਵਕੱਪ ਭਾਰਤੀ ਸਰਜਮੀਂ ਉੱਤੇ ਹੋਵੇਗਾ। ਭਾਰਤ ਇਸ ਤੋਂ ਪਹਿਲਾਂ ਵੀ ਸਾਲ 1987, 1996 ਅਤੇ 2011 ਵਿਚ ਭਾਰਤ 50 ਓਵਰਾਂ ਦੇ ਵਿਸ਼ਵਕੱਪ ਦਾ ਸਫਲ ਪ੍ਰਬੰਧ ਕਰ ਚੁੱਕਿਆ ਹੈ। 2011 ਵਿਸ਼ਵਕੱਪ ਤਾਂ ਇੰਨਾ ਕਾਮਯਾਬ ਹੋਇਆ ਸੀ ਕਿ ਉਸਨੂੰ ਰਿਕਾਰਡ ਦਰਸ਼ਕਾਂ ਨੇ ਵੀ ਵੇਖਿਆ ਸੀ।
2011 ‘ਚ ਭਾਰਤ ਰਿਹਾ ਜੇਤੂ
2011 ਵਿਚ ਭਾਰਤ ਵਿਚ ਖੇਡੇ ਗਏ ਵਿਸ਼ਵਕੱਪ ਦਾ ਜੇਤੂ ਵੀ ਭਾਰਤ ਹੀ ਰਿਹਾ ਸੀ।ਇਸ ਵਿਸ਼ਵਕੱਪ ਨੂੰ ਭਾਰਤ ਨੇ ਧੋਨੀ ਦੀ ਕਪਤਾਨੀ ਵਿਚ ਜਿੱਤਿਆ ਸੀ ਅਤੇ ਕ੍ਰਿਕਟ ਦੇ ਭਗਵਾਨ ਸਚਿਨ ਤੇਂਦੁਲਕਰ ਨੂੰ ਇਕ ਯਾਦਗਾਰ ਵਿਦਾਈ ਦਿੱਤੀ ਸੀ।
ਮੌਜੂਦਾ ਸਮੇਂ ਵਿਚ ਆਸਟਰੇਲੀਆਈ ਟੀਮ ਆਈ.ਸੀ.ਸੀ. ਕ੍ਰਿਕਟ ਵਿਸ਼ਵਕੱਪ ਦੀ ਜੇਤੂ ਹੈ। ਉਨ੍ਹਾਂ ਨੇ ਸਾਲ 2015 ਵਿਚ ਆਸਟਰੇਲੀਆ-ਨਿਊਜ਼ੀਲੈਂਡ ਵਿਚ ਖੇਡੇ ਗਏ ਵਿਸ਼ਵਕੱਪ ਨੂੰ ਜਿੱਤਿਆ ਸੀ।
ਚੈਂਪੀਅਨਸ ਟਰਾਫੀ ਦੀ ਵੀ ਕਰੇਗਾ ਮੇਜ਼ਬਾਨੀ
ਵਿਸ਼ਵਕੱਪ ਦੇ ਇਲਾਵਾ 2021 ਵਿਚ ਪ੍ਰਸਤਾਵਤ ਆਈ.ਸੀ.ਸੀ. ਚੈਂਪੀਅਨਸ ਟਰਾਫੀ ਦਾ ਪ੍ਰਬੰਧ ਵੀ ਭਾਰਤ ਵਿੱਚ ਹੀ ਹੋਵੇਗਾ। ਇਸ ਸਾਲ ਇੰਗਲੈਂਡ ਵਿਚ ਖੇਡੇ ਗਈ ਆਈ.ਸੀ.ਸੀ. ਚੈਂਪੀਅਨਸ ਟਰਾਫੀ ਵਿਚ ਭਾਰਤ ਰਨਰ-ਅੱਪ ਰਿਹਾ ਸੀ। ਜਿੱਥੇ ਉੱਤੇ ਫਾਈਨਲ ਮੁਕਾਬਲੇ ਵਿਚ ਉਸਨੂੰ ਆਪਣੇ ਮੁਕਾਬਲੇਬਾਜ਼ ਪਾਕਿਸਤਾਨ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
